Анатоль Бадуеў: “Працую… Я зноў галоўны трэнер зборнай”
На пасаду галоўнага трэнера нацыянальнай зборнай Бадуеў вярнуўся з “Амерыканкі”.
Інфармацыя пра вызваленне Бадуева з СІЗА КДБ прагрымела ўвечары ў панядзелак. У аўторак тэлефануем яму на працоўны нумар у Федэрацыю лёгкай атлетыкі. Усе супрацоўнікі пайшлі на абед, адказаў толькі голас… Анатоля Бадуева:
- Дзякуй за віншаванні, але пытанняў пакуль нельга.
Еўрарадыё: Я тэлефаную вам на службовы нумар, выходзіць, што вы на працоўным месцы?
- Працую. Я на рабочым месцы, ёсць такое.
Еўрарадыё: На сайце вашага ведамства напісана, што вы намеснік старшыні Беларускай федэрацыі лёгкай атлетыкі…
І галоўны трэнер зборнай, так.
Тым часам следчыя органы не знялі абвінавачванні з Анатоля Бадуева. Пра гэта больш падрабязна праз дзве гадзіны ў рэпартажы Еўрарадыё.
