Пасля матча БАТЭ — "Шахцёр" затрыманыя тры беларускія заўзятары
Нагадаем, што гульня прайшла 21 кастрычніка на стадыёне "Барысаў-Арэна". Барысаўскі футбольны клуб прайграў з лікам 0:7.
Пасля гульні затрыманыя тры заўзятары, усе яны грамадзяне Беларусі. Пра гэта паведамляе БЕЛТА са спасылкай на мінскую абласную міліцыю.
На дзевяць грамадзянаў Беларусі міліцыя склала 13 адміністрацыйных пратаколаў — за дробнае хуліганства, з'яўленне ў грамадскім месцы ў нецвярозым стане і непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў.
На ўкраінскіх фанатаў пратаколы не складалася. Грубыя парушэнні грамадскага парадку падчас матчу не зафіксаваныя.
Ілюстрацыйнае фота — nn.by
