Пад Лідай страціў кіраванне і разбіўся самалёт Су-25 (відэа)
Лётчык катапультаваўся пасля таго, як пераканаўся, што траекторыя падзення знаходзіцца па-за населенымі пунктамі.
Здарэнне адбылося 30 верасня каля 11.50. Падчас правядзення планавых палётаў Су-25 116-й штурмавой авіяцыйнай базы Ваенна-паветраных сіл і войск супрацьпаветранай абароны "ў выніку пазаштатнай сітуацыі згубіў кіраванне".
Лётчык катапультаваўся, яго ўжо знайшлі, ён не пацярпеў. Няма разбурэнняў і ахвяраў і ў раёне падзення самалёта, інфармуе партал tut.by са спасылкай на Мінабароны Беларусі.
Для высвятлення прычын здарэння прызначаная камісія Мінабароны.
Фота — inforesist.org
