Новае антыманапольнае міністэрства пачне дзейнічаць з 8 верасня
Ужо з 8 верасня ў Беларусі пачне дзейнічаць Міністэрства антыманапольнага рэгулявання і гандлю. Пра гэта на прэс-канферэнцыі 14 верасня распавёў міністр гандлю Уладзімір Калтовіч.
Новае ведамства, як паведамлялася раней, будзе створанае на базе Міністэрства гандлю. Чыноўнік паведаміў, што тры месяцы было адведзена на ўсе неабходныя працэдуры і шэсць месяцаў — на ўнясенне зменаў у нарматыўныя прававыя акты, дзе згадваецца Міністэрства гандлю.
Стварэнне новага міністэрства Калтовіч патлумачыў лібералізацыяй эканомікі ў Беларусі.
Калтовіч: "Асноўнымі прычынамі, па якіх улада прыняла рашэнне пра ўстварэнне такога самастойнага сістэмнага органа, з'яўляецца лібералізацыя рынку. Я б сказаў, што рашэнне ўлады пра стварэнне антыманапольнага органа — гэта індыкатар гатоўнасці эканомікі ісці далей рынкавым шляхам".
У новым ведамстве, як перадае БЕЛТА, будзе некалькі блокаў, у тым ліку па антыманапольнай палітыцы, цэнавым рэгуляванні ды інш.
Асноўнай мэтай антыманапольнага міністэрства называлася абарона ўнутранага рынку краіны праз стварэнне роўных канкурэнтных умоваў для ўсіх яго ўдзельнікаў.