Нобелеўскую прэмію міру-2023 прысудзілі іранскай праваабаронцы
Наргес Махамадзі / twitter.com/NobelPrize
Сёлетняй лаўрэаткай Нобелеўскай прэміі міру стала іранская праваабаронца Наргес Махамадзі.
Нарвежскі нобелеўскі камітэт прысудзіў ёй прэмію "за яе барацьбу супраць прыгнёту жанчын у Іране і за прасоўванне правоў чалавека і свабод для ўсіх".
У сваім паведамленні Нобелеўскі камітэт адзначае, што Махамадзі моцна пацярпела за сваю праваабарончую дзейнасць: "Іранскі рэжым арыштоўваў яе 13 разоў, пяць разоў прызнаваў вінаватай і прысудзіў агулам 31 год турэмнага зняволення і 154 удары бізуном".
Цяпер Махамадзі, як і беларускі набеліянт Алесь Бяляцкі, перабывае ў турме.
