Не сушыце айфоны ў рысе. І некалькі нашмат больш важных навін — #ІхНоравы

Проста цяпер ён знаходзіцца ў Лондане, і яго адвакаты дабіваюцца правядзення поўнага апеляцыйнага слухання. Але калі два суддзі адмовяць у дазволе, у яго больш не застанецца магчымасці падаваць пазовы ў брытанскія суды — і ў Штаты Асанжа экстрадуюць на працягу некалькіх дзён.

Адзіны яго шанец пазбегнуць гэтага — умяшанне Еўрапейскага суда па правах чалавека.

Трамп не падабаецца навукоўцам

У ЗША правялі апытанне сярод 154 навукоўцаў, звязаных з Амерыканскай асацыяцыяй палітычных навук, каб высветліць, які прэзідэнт найгоршы. Навукоўцы выбралі Трампа. Ён заняў 45-е месца з 45-ці.

У дзейнага прэзідэнта Джо Байдэна сітуацыя лепшая: навукоўцы паставілі яго на 14-е месца ў рэйтынгу.

"Самымі важнымі дасягненнямі Байдэна, магчыма, з'яўляецца тое, што ён выратаваў прэзідэнцкае крэсла ад Трампа, аднавіў больш традыцыйны стыль прэзідэнцкага кіравання і рыхтуецца гэтай восенню не дапусціць трапляння офіса ў рукі свайго папярэдніка", — каментуюць палітолагі Джасцін Вон і Брэндон Ротынгхаус, якія ўласна і задумалі ўсапытанне.

Але аўтары спісу ўсё ж сумленна прызнаюць: навукоўцы схільныя быць "левакамі", бо ў апошнія гады ў гэтым рэйтынгу ўсе прэзідэнты-дэмакраты падняліся на пару радкоў, а ўсе рэспубліканцы, нават самыя любімыя, апусціліся ў рэйтынгу.