На аўтадарозе Смалявічы — Жодзіна з-за "крытычных дэфектаў" закрываюць мост

У Смалявіцкім раёне закрываюць мост праз Плісу. Ён знаходзіцца на аўтадарозе H-9557 Смалявічы — Жодзіна. Праверка выявіла "крытычныя дэфекты, якія ўплываюць на бяспеку дарожнага руху". Ёсць высокая верагоднасць абвальвання пліт пралётных пабудоў, паведамляе smolevichi-24.by

Мост закрываюць з 24 красавіка. Мяркуецца, што рамонт будзе працягвацца паўгода. Цяпер распрацоўваюцца варыянты аб'езду.

У Беларусі назвычай актуальная праблема мастоў, якім патрэбна рэканструкцыя. Але для гэтага неабходна фінансаванне, якое з-за санкцый абмежаванае, а рэжым усё больш траціць грошай на сілавікоў.