Мінскі IT-спецыяліст распаўсюджваў парнаграфію ў інтэрнэце

Як паведамляе БЕЛТА, з 2012 па 2014 год мінчук займаўся распаўсюдам парнаграфічных матэрыялаў у інтэрнэце, у тым ліку з выявамі заведама непаўналетніх асоб. Выявілі распаўсюдніка парнаграфіі расійскія міліцянты і паведамілі беларускім калегам. 

Паводле звестак следства, мінчук устанавіў на свой камп'ютар файлаабменны кліент Shareaza, праз які запампоўваў і потым раздаваў парнаграфічныя матэрыялы. 

Абвінавачваны з'яўляецца супрацоўнікам аднаго з перадавых прадпрыемстваў Мінску ў галіне інфармацыйных тэхналогій. Матэрыяльнай выгады ад распаўсюду парнаграфіі ён не меў. Падчас допыту ён растлумачыў, што ўсе парнаграфічныя матэрыялы, у тым ліку з удзелам заведама непаўналетніх асоб, ён запампоўваў і раздаваў для асабістых мэтаў. 

Затрыманага вінавацяць у вырабе і распаўсюдзе парнаграфічных матэрыялаў. Матэрыялы справы перададзеныя ў суд. 

Фота — ma-com.ru