Мінгандлю закрыў 9 міні-кавярняў "Сайгон" у Ждановічах
Там выявілі пратэрмінаваную прадукцыю на 18 мільёнаў рублёў.
З сённяшняга дня Міністэрства гандлю прыпыніла працу дзевяці міні-кавярняў на рынку ў Ждановічах, якія належаць ТАА "Сайгон", паведамляе БЕЛТА.
Праверкі выявілі, што ў кавярнях прадавалася прадукцыя з прамінулым тэрмінамі прыдатнасці на суму больш за 18 мільёнаў рублёў. Пратэрмінаваная была пераважна прадукцыя ўласнай вытворчасці, якая мусіла прадавацца на працягу ад 6 да 24 гадзін.
Выявілі праверкі і іншыя парушэнні. Сярод іх — невыкананне парадку кантролю якасці і бяспекі выпушчанай прадукцыі, выкарыстанне неправеранага вагавымяральнага абсталявання, парушэнне вызначанага парадку рэкламы алкагольных напояў, невыкананне рэжыму працы.
Кіраўніцтву кавярняў далі 12 дзён на ліквідацыю выяўленых парушэнняў і арганізацыю дзейснага кантролю за якасцю і бяспекай прадукцыі.
Фота — kp.by