Мінгандлю забараніла 26 кірмашоў мёду ў Беларусі
У некаторых выпадках мёд на гэтых кірмашах не адпавядаў нормам ДАСТ.
Міністэрства гандлю забараніла фірме "Свет мёду і здароўя плюс" праводзіць 26 кірмашоў мёду па ўсёй Беларусі. Пра гэта інфармуе БЕЛТА са спасылкай на намесніцу міністра гандлю Ірыну Наркевіч.
Па словах чыноўніцы, у сакавіку прайшлі сумесныя маніторынгі і праверкі на кірмашах мёду ў Беларусі. У праверках удзельнічалі Камітэт дзяржкантролю, міністэрства гандлю і аховы здароўя, Дзяржстандарт, Міністэрства па падатках і зборах, Мінсельгасхарч.
Наркевіч кажа, што праверкі выявілі шматлікія парушэнні як арганізатара, так і прадаўцоў. У прыватнасці, часам не было дакументаў пра якасць і бяспеку прадукцыі, наяўныя дакументы не адпавядалі прадукцыі, указанай на цэнніках і на тары маркіровачных ярлыкоў. У некаторых выпадках прадаваную прадукцыю нельга было нават назваць мёдам, бо яна не адпавядала нормам ДАСТ.
На Гродзеншчыне інспекцыя Міністэрства па падатках і зборах канфіскавала 16 тысяч адзінак тавару на 265 млн рублёў.
Мінгандлю зачыніла 12 крамаў бытавой хіміі “Востраў чысціні”
Мінгандлю зачыніла АЗС за зніжкі
Мінгандлю зачыніла шэсць пунктаў харчавання “Хутка-смачна”
Чыноўнікі мінгандлю зачыняюць 2 крамы ў дзень і шукаюць новых кантралёраў
Фота — onliner.by
