Футбаліст БАТЭ “прарэкламаваў” фінансавую піраміду (фота)
Малады паўабаронца футбольнага клуба БАТЭ Яўген Яблонскі нечакана трапіў у рэкламу расійскай фінансавай піраміды. Спасылка на сайт, дзе людзям прапануюць стаць інвестарамі і перастаць гарбаціцца на заводзе за капейкі, распаўсюджваецца ў сацыяльнай сетцы Вконтакте.
Фота футбаліста суправаджаецца слоганам: “Надакучыла працаваць за капейкі?”.
Інтэрнэт-карыстальнікі, каментуючы гэтую навіну, ужо раяць спартсмену падаць у суд на распаўсюднікаў рэкламы і зарабіць грошай.