Вы тут

Лукашэнка: Беларусь не згорне ваенную супрацу з Расіяй з-за спрэчак па нафце

Фота: БЕЛТА

Беларусь не будзе згортваць ваенную супрацу з Расіяй з-за рознагалоссяў у іншых сферах. З такой заявай Аляксандр Лукашэнка выступіў 20 сакавіка пры дакладзе задумы сумеснага стратэгічнага вучэння ўзброеных сіл Беларусі і Расіі "Захад-2017".

"Для сродкаў масавай інфармацыі асабліва адзначу, што насуперак меркаванням асобных "экспертаў" ніхто не збіраецца згортваць супрацоўніцтва з Расіяй у ваеннай галіне з-за ўзніклых рознагалоссяў у іншых сферах. Наадварот, вучэнне з'яўляецца дэманстрацыяй нашай сталасці ў забеспячэнні бяспекі двух братніх народаў", — цытуе БЕЛТА словы кіраўніка дзяржавы.

Па словах Лукашэнкі, спрэчкі ў галіне нафты, газу, прадуктаў харчавання і іншага можна вырашыць. "Гэта нашыя пытанні — Беларусі і Расіі. А вось жартаваць з бяспекай, абараназдольнасцю нашых агульных межаў ні ў якім разе нельга. Гэта не падлягае ніякаму выгляду гандлю", — падкрэсліў кіраўнік Беларусі.

Лукашэнка нагадаў, што Беларусь і Расія яшчэ шмат гадоў таму дамовіліся праводзіць такія вайсковыя вучэнні па чарзе на тэрыторыі адной і другой краін, цяпер — чарга Беларусі. Ён дадаў, што на заходнім напрамку ў Беларусі і Расіі ёсць магутная групоўка ўзброеных сіл, аснову якіх складае беларуская армія.

Па словах кіраўніка дзяржавы, у выпадку канфлікту ёсць план баявых дзеянняў для беларускага войска, якое неадкладна будзе ўзмоцненае расійскімі ўзброенымі сіламі. 

Новости других медиа
Загрузка...
Загрузка...

Галоўнае

Выбар рэдакцыі

Надпіс на сцяне з'явіўся ў ноч на 24 сакавіка.