Крымінальны вышук ломіцца у дзверы да Франака Вячоркі
Франак: "З 6:30 пад дзвярыма дзяжураць міліцыянты, ломяцца ў дзверы, патрабуюць пусціць, нібыта вобшук. Адзін міліцыянт трымае нейкую пастанову ў руках".
Міліцыянты з самай раніцы дзяжураць каля мінскай кватэры Вячоркаў. "Ім патрэбны не мой бацька, а менавіта я",- распавёў у жывым эфіры Еўрарадыё Франак Вячорка.
На яго думку сёння спецслужбы будуць паралізаваць моладзь прэвентыўна. На працягу ўсяго дня і на падыходах да Плошчы Якуба Коласа. "Яны не дазволяць правесці акцыю ні ў якім выглядзе",- лічыць Вячорка. "Лукашэнка можа даць загад на ўжыванне самай жорсткай сілы". Самая вялікая памылка апазіцыі ў арганізацыі сённяшняй акцыі, на думку Вячоркі, ў тым, што няма адзінай кропкі збору.