Кампанія Air Moldova адказала на “яблычныя санкцыі” Расіі
Авіякампанія ўключыла яблыкі ў бартавое харчаванне.
Пра гэта паведамляе avianews.com. Такое рашэнне авіяперавозчык прыняў, каб падтрымаць малдоўскіх сельгасвытворцаў. Расія забараніла ім увозіць яблыкі на сваю тэрыторыю.
Штомесяц Air Moldova перавозіць каля 60 тысяч пасажыраў.
Урад Малдовы ўжо заявіў аб падтрымцы гэтай ініцыятывы авіяперавозчыка, а сама Air Moldova заклікала пераймаць яе прыклад іншыя кампаніі, выяўляючы агульнанацыянальную салідарнасць.
