Хакейная зборная Фінляндыі выйшла ў паўфінал чэмпіянату свету (відэа)
У чацвер у чвэрцьфінале фіны ў цяжкім матчы перамаглі славакаў — 4:3 (3:0, 0:2, 1:1).
Зборная Фінляндыі ўжо на 16-й хвіліне выйгравала з лікам 3:0. Каманда Славакіі здолела зраўняць лік да 41-й хвіліны. Аднак фіны вырвалі перамогу пасля дакладнага кідка Юхамаці Аалтанена на 49-й хвіліне.
У паўфінале фінаў чакае пераможца чвэрцьфінальнага паядынка Швецыя — Канада, які пройдзе сёння ў Стакгольме.
Нагадаем, іншыя матчы 1/4 фінала ўжо адбыліся: зборная ЗША разграміла Расію — 8:3, а Швейцарыя выйграла ў Чэхіі — 2:1. У другім паўфінале 18 траўня згуляюць амерыканцы і швейцарцы.
Фота — iihf.com