Дзяўчына пілота, які знішчыў лайнер А320: Ён хацеў увайсці ў гісторыю

Былая дзяўчына Андрэаса Любіца, другога пілота лайнера Airbus A320, які разбіўся ў Альпах, распавяла, што яе бойфрэнд хацеў увайсці ў гісторыю і зрабіць так, каб яго запомнілі. Пра гэта яна заявіла ў інтэрв’ю нямецкаму таблоіду Bild. Маладая жанчына таксама прызналася, што раней не надавала значэнне словам Любіца.  

Па яе словах, пілот самалёта, у якім разам з ім загінула 150 чалавек, быў скрытным, а таксама мог прачнуцца сярод ночы з крыкам “Мы падаем!”. Перад крушэннем лайнера ён расстаўся са сваёй дзяўчынай, а потым зрабіў спробу яе вярнуць, купіўшы ёй аўтамабіль, піша newsru.com са спасылкай на замежныя СМІ.

Лайнер А320 кампаніі Germanwings разбіўся 24 сакавіка ў французскіх Альпах паміж гарадамі Дзінь-Ле-Бэн і Барселанэт. Паводле афіцыйнай інфармацыі ад авіякампаніі Germanwings вядома, што на борце было 144 пасажыры і 6 членаў экіпажа — усяго 150 чалавек.

З расповедаў калегаў і сяброў Любіца стала вядома, што ён добра ведаў Альпы і раён авіякатастрофы быў у яго любімым.

Як мяркуюць следчыя, першы пілот лайнера выйшаў з кабіны, а другі пілот заблакаваў яе дзверы і павёў самалёт на зніжэнне. У выніку лайнер урэзаўся ў скалы і разбіўся.

Апошнія навіны

Галоўнае

Выбар рэдакцыі