Ад спёкі ў Індыі загінула больш за 1400 чалавек (фота, відэа)
Тэмпература ў некаторых штатах дасягае 47 градусаў і будзе трымацца яшчэ некалькі дзён.
У Індыі працягваецца моцная спёка. Найвышэйшая зарэгістраваная тэмпература склала 47 градусаў ў горадзе Джангамешварапурама, што знаходзіцца ў штаце Андхра Прадэш на паўднёвым усходзе краіны. У некаторых гарадах суседняга штата Тэлангана максімальна зарэгістраваная тэмпература склала 46 градусаў.
Павялічваецца і колькасць ахвяраў спёкі. На сённяшні дзень іх зарэгістравана 1412 чалавек. Пры гэтым 1360 выпадкаў адбыліся ў штатах Андхра Прадэш і Тэлангана, паведамляе The Times of India.
Тэмпература ў паўночных частках гэтых штатах ужо пачала паступова змяншацца, але сіноптыкі прагназуюць такое гарачае надвор’е яшчэ прынамсі 2 дні.
У Індыі з сакавіка па чэрвень тэмпература звычайна падымаецца вышэй за 40 градусаў, у гэты перыяд пачынаецца засушлівы сезон. Найбольш сухімі звычайна бываюць красавік і травень.
Фота: AP Photo/Channi Anand, CHANNI ANAND/AP, AP PHOTO/AJIT SOLANKI, elombah.com, AP.
