18 студзеня ў Беларусі курс долара панізіўся, курс еўра вырас

У сераду, 18 студзеня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША панізіўся — з 1,9506 да 1,9439 беларускага рубля, курс еўра зноў вырас — з 2,0764 да 2,0778. За 100 расійскіх рублёў цяпер даюць 3,2866 беларускага рубля (у аўторак — 3,2815).

Як паведамляла Еўрарадыё, у аўторак, 17 студзеня, курс долара ЗША панізіўся — з 1,9548 да 1,9506 беларускага рубля, курс еўра вырас — з 2,0699 да 2,0764.