З'явіліся першыя кадры з Марынай Васілеўскай на Міжнароднай касмічнай станцыі
Марына Васілеўская на МКС / twitter.com/NASA
З'явіліся першыя кадры з беларускай Марынай Васілеўскай на Міжнароднай касмічнай станцыі. 25 сакавіка "Саюз МС-25" паспяхова састыкаваўся з МКС, пазней былі адкрыты люкі. І экіпаж у складзе Васілеўскай, ураджэнца Беларусі Алега Навіцкага і астранаўта НАСА Трэйсі Дайсан перайшоў на станцыю, дзе іх чакалі касманаўты і астранаўты.
Марыне Васілеўскай 33 гады. Яна працавала бортправадніцай авіякампаніі "Белавія". Васілеўская стала першым касманаўтам у гісторыі незалежнай Беларусі. Яна кажа, што ў яе "неверагодны настрой".
Вяртанне Васілеўскай і Навіцкага на Зямлю запланаванае на 6 красавіка.
Live: Watch the @Space_Station hatch open to welcome the next set of orbital residents, including astronaut Tracy C. Dyson. https://t.co/g4CtTk4tvh
— NASA (@NASA) March 25, 2024
