З'явілася відэа ўзлёту самага вялікага паветранага карабля ў свеце
У Вялікабрытаніі ўзняўся ў паветра самы вялікі авіялайнер у свеце — Airlander 10. Даўжыня апарата — 92 м. Першы яго палёт быў дэманстрацыйным і доўжыўся каля паўгадзіны, інфармуе РБК.
Стваральнікі лятальнага апарата кажуць, што ён можа лятаць без перапынку да двух тыдняў.
Airlander 10 — гібрыд дырыжабля, верталёта і самалёта. Паведамляецца, што ён можа ўздымацца на вышыню 4900 м, развіваць хуткасць да 148 км/гадз. і перавозіць вялікія грузы, спажываючы пры гэтым няшмат паліва.
Airlander знутры напоўнены геліем, а яго абалонку зрабілі са звышмоцных матэрыялаў.