З’явіўся прома-ролік сёмага сезону “Гульні тронаў”
З’явіўся прома-ролік сёмага сезону папулярнага амерыканскага серыяла ў жанры фэнтэзі “Гульня тронаў” (першы сезон з’явіўся ў 2011-м). У ім можна пабачыць толькі, што Дзейнерыс Таргарыен, Джон Сноў і Серсея Ланістэр кудысьці ідуць кожны паасобку. Цікава, што ў фінале Серсея займае Жалезны трон. Першую серыю сёмага сезону “Гульні тронаў” пакажуць 16 ліпеня 2017-га.
