Жыхар Баранавічаў прадэманстраваў аголены азадак у більярдным клубе
За гэта яго могуць адправіць за краты.
Як паведамляе прэс-служба міліцыі Брэсцкай вобласці, кур’ёзны выпадак адбыўся яшчэ уначы 15 сакавіка ў баранавіцкім більярдным клубе. Там, з невядомай прычыны, 21-гадовы рабочы дэманстратыўна агаліў азадак перад наведвальнікамі. Як пазней высветлілася, мужчына быў нападпітку.
31 сакавіка Следчы камітэт распачаў крымінальную справу ў дачыненні да хулігана. За свой непрыгожы ўчынак яго можа чакаць штраф, грамадскія працы альбо нават да двух гадоў пазбаўлення волі.
