Журналістаў Еўрарадыё затрымалі падчас стрыма з вулічнай акцыі
Падчас жывога эфіру з сённяшняй акцыі былі затрыманыя журналісты Еўрарадыё Міхась Ільін і Арцём Маёраў. Яны вялі стрым з плошчы Перамогі, калі іх затрымалі і запхнулі ў бусік.
Падчас эфіру было чуваць, як Ільін паспеў крыкнуць: "Мы журналісты".
Нават на відэа бачна, што на журналістах былі бэйджыкі, якія пазначалі іх як прэсу. Аднак сілавікі ў цывільным усё адно затрымалі журналістаў.
Пазней Міхась Ільін змог паведаміць, што журналістаў з мікрааўтобуса перасадзілі ў аўтазак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
