Заўтра ў Беларусі дажджы і навальніцы
У суботу 30 ліпеня на большай частцы тэрыторыі краіны сіноптыкі прагназуюць кароткачасовыя дажджы, месцамі навальніцы, паведамляе БЕЛТА са спасылкай на Рэспубліканскі цэнтр па гідраметэаралогіі.
Па ўсёй краіне будзе пераменная воблачнасць. Ноччу і раніцай у асобных раёнах чакаецца слабы туман. Вецер ноччу будзе няўстойлівы і слабы, днём ― паўднёва-заходні з парывамі 4-9 метраў у секунду, пры навальніцах ― да 14 метраў у секунду. Тэмпература паветра ўначы складзе ад плюс 13 да плюс 19, днём ― 23-29 градусаў цяпла.
