З-за моцнага марозу пад Лагойскам зламаўся аўтобус з расійскімі турыстамі
![З-за моцнага марозу пад Лагойскам зламаўся аўтобус з расійскімі турыстамі](/sites/default/files/styles/gallery_main/public/2023-08/lagoi_1.jpg.webp?itok=UD7DndUO)
Турыстычны аўтобус, у якім ехала вялікая група расіян, з-за моцнага марозу зламаўся і спыніўся пад Лагойскам. Здарэнне адбылося ўвечары 7 студзеня каля вёскі Слаговішча на трасе М-3 Мінск-Віцебск. Аўтобус “Неаплан”, які належыць расійскай арганізацыі, вяртаўся праз Мінск у Пскоў з экскурсійнага туру. У транспартным сродку было 2 кіроўцаў і 54 пасажыры, сярод якіх 7 дзяцей.
Прычынай паломкі стала замярзанне пнеўмасістэмы. На месца здарэння выклікалі выратавальнікаў, якія арганізавалі перавозку людзей у бяспечнае месца — турыстаў даставілі ў гатэль спартова-турыстычнага комплексу “Алімп”. На той момант тэмпература паветра складала -26 градусаў.
Каля пятай раніцы перавозчык падаў запасны аўтобус і расіяне працягнулі сваё падарожжа, паведамляе прэс-служба Мінскага абласнога ўпраўлення МНС.