З Беларусі высылаюць двух замежных журналістаў — іх пазбавілі акрэдытацыі

Акрэдытаваных ў Беларусі журналістаў ARD (Асацыяцыі нямецкіх рэгіянальных грамадскіх тэлерадыёкампаній) пазбавілі акрэдытацыі.

Двух з іх (грамадзян Расіі) высылаюць з краіны, яшчэ на аднаго склалі пратакол.

28 жніўня Іллю Кузняцова, Сяргея Сяргеева і Міхаіла Фаміна затрымалі ў гасцініцы "Мінск". Усе трое былі акрэдытаваныя ў МЗС Беларусі.

Па інфармацыі БАЖ іх пазбавілі акрэдытацыі рашэннем міжведамаснай камісіі па забеспячэнні інфармацыйнай бяспекі пры Савеце бяспекі. Сёння ўсіх траіх журналістаў адпусцілі.

Грамадзян Расіі Сяргея Сяргеева і Міхаіла Фаміна высылаюць з Беларусі. Супраць Іллі Кузняцова складзены пратакол за нібыта ўдзел у масавай акцыі.

Міжведамасная камісія па забеспячэнні інфармацыйнай бяспекі пры Савеце бяспекі была створана ў 2017 годзе. Задача камісіі — забеспячэнне нацыянальнай бяспекі Рэспублікі Беларусь у інфармацыйнай сферы.

Склад Міжведамаснай камісіі па бяспецы ў інфармацыйнай сферы:

Уладзімір Арчакоў — намеснік дзяржаўнага сакратара Савета бяспекі (старшыня камісіі).

Андрэй Кунцэвіч — намеснік кіраўніка Адміністрацыі прэзідэнта (намеснік старшыні камісіі)

Аляксандр Антонавіч — галоўны саветнік аналітычнага сектара інфармацыйна-аналітычнага ўпраўлення дзяржаўнага сакратарыята Савета бяспекі (сакратар камісіі)

Сяргей Аземша — намеснік старшыні Следчага камітэта

Аляксандр Вольфавіч — начальнік генеральнага штаба Узброеных Сіл — першы намеснік Міністра абароны

Сяргей Жарнасек — намеснік начальніка Аператыўна-аналітычнага цэнтра пры прэзідэнце

Дзмітрый Жук — дырэктар і галоўны рэдактар ​​установы адміністрацыі прэзідэнта "Выдавецкі дом" Беларусь сегодня "

Генадзь Казакевіч — першы намеснік Міністра ўнутраных спраў — начальнік крымінальнай міліцыі

Віталь Краснабаеў — заместитель кіраўніка прэс-службы прэзідэнта

Алег Макараў — дырэктар Беларускага інстытута стратэгічных даследаванняў

Ігар Марзалюк — старшыня пастаяннай камісіі Палаты прадстаўнікоў нацыянальнага сходу па адукацыі, навуцы і культуры

Марат Маркаў — старшыня праўлення закрытага акцыянернага таварыства "Другі нацыянальны тэлеканал"

Сяргей Несцяровіч — першы намеснік міністра сувязі і інфарматызацыі

Сяргей Церабаў — першы намеснік старшыні Камітэта дзяржаўнай бяспекі

Яўген Шастакоў — намеснік міністра замежных спраў

Вольга Шпілеўская — начальнік галоўнага ідэалагічнага ўпраўлення Адміністрацыі прэзідэнта

Усевалад Янчэўскі — дырэктар дзяржаўнай установы "Адміністрацыя Парку высокіх тэхналогій"

Таксама сярод членаў камісіі ёсць міністр інфармацыі, аднак у спісах ўсё яшчэ паказаны Аляксандр Карлюкевіч, якога на крэсле кіраўніка міністэрства змяніў Ігар Луцкі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.