Яраш з "Правага сектара" адказаў Лукашэнку

Дэпутат Вярхоўнай Рады Украіны, лідар партыі "Правы сектар" Дзмітро Яраш пракаментаваў выказванне Аляксандра Лукашэнкі. 17 кастрычніка падчас прэс-канферэнцыі для расійскіх рэгіянальных СМІ кіраўнік Беларусі заявіў, што экс-прэзідэнт Януковіч фінансаваў "Правы сектар".

"Віктар Фёдаравіч [Януковіч] фінансаваў "Правы сектар". Бо ён супраць Юлі [Цімашэнкі] будзе", — сказаў Аляксандр Лукашэнка. І дадаў: "Стварыў сілу, якая яго і знішчыла".

Як вядома, "Правы сектар" — гэта аб'яднанне правых сіл ва Украіне, якое з'явілася ў канцы 2013 года і стала арганізаванай сілай Майдана. Цяпер гэта палітычная партыя.

Дзмітро Яраш у інтэрв'ю часопісу "Esquire Ukraine" (№ 32 за снежань 2014-га) абверг сцверджанне Аляксандра Лукашэнкі. Ён падкрэсліў, што фінансаванне партыі празрыстае, а заяваў супраць Юліі Цімашэнкі "Правым сектарам" ніколі не прымалася.

Яраш таксама адзначыў, што шматлікія беларусы "распавядаюць пра Лукашэнку". І ва ўкраінскага палітыка склалася ўражанне, што ён робіць такія дзіўныя заявы проста таму, што "баіцца рэвалюцыі не менш за Пуціна".

Фота — УНІАН