Якім будзе курс долара на 1 студзеня, 1 ліпеня і 31 снежня 2015 года?
Эканамічныя эксперты даюць Еўрарадыё свае валютныя прагнозы на наступны год.
Яраслаў Раманчук мяркуе, што рыначны курс долара ў пачатку 2015 года будзе складаць 15 500 рублёў.
1 ліпеня за долар могуць даваць 18-19 тысяч.
Напрыканцы года курс будзе вагацца ад 22 да 25 тысяч рублёў.
Леанід Злотнікаў лічыць, што на пачатак года прадказаць курс валюты будзе вельмі няпроста. Шмат на што будзе ўплываць рашэнне ўрада. Адказу няма.
У сярэдзіне года курс мусіць дасягнуць узроўню 17-20 тысяч.
У снежні 2015 года, на думку эканаміста, курс складзе каля 20 тысяч.
Сяргей Жбанаў адзначае, што спрагназаваць курс на пэўны момант магчыма з дапамогай формулы: грашовую масу падзяліць на золатавалютныя рэзервы. Калі зрабіць гэта з актуальнымі дадзенымі, курс сапраўды мусіць быць каля 15-16 тысяч рублёў.
Аляксандр Сінкевіч мяркуе, што прагноз курса долара на найбліжэйшыя два тыдні рабіць немагчыма. Бо на гэты перыяд прагназуецца стабілізацыя расійскага рубля. А ўжо пасля курс, на якім спыніцца суседская валюта, можа стаць сігналам для таго, як праводзіць сапраўдную, а не прыхаваную, дэвальвацыю ў нас. Хутчэй за ўсё долар будзе трымацца на ўзроўні 14-16 тысяч рублёў.
“Пры добрым стане расійскай эканомікі, курс, імаверна, адскочыць да 50 расійскіх рублёў за долар. І тады наш Нацбанк зможа сабе дазволіць паступовую дэвальвацыю. Гэтых 30% тады будзе дастаткова”.
У снежні 2015-га курс мусіць стабілізавацца на ўзроўні сярэдзіны года: “у найлепшым выпадку 14-15 тысяч, у найгоршым — крыху больш за 20”.
Табліца: Прагнозы рыначнага курса долара на 2015 год ад некаторых эканамістаў.
Эксперт |
Курс долара на 1.01.2015 |
Курс долара на 1.07.2015 |
Курс долара на 31.12.2015 |
|
Яраслаў Раманчук |
Аптымістычны сцэнар |
15 500 |
18 000 |
22 000 |
Песімістычны сцэнар |
15 500 |
19 000 |
25 000 |
|
Леанід Злотнікаў |
Аптымістычны сцэнар |
? |
17 000 |
20 000 |
Песімістычны сцэнар |
20 000 |
20 000 |
||
Аляксандр Сінкевіч |
Аптымістычны сцэнар |
14 000 |
14-15 000 |
14-15 000 |
Песімістычны сцэнар |
16 000 |
20 000 |
Крыху больш за 20 000 |
Фота: nv-online.info