Як у Мінску мужчына абрабаваў "абменнік" (відэа)
Здарэнне адбылося 25 студзеня ў Фрунзенскім раёне.
Касірка пункта абмену валют, які месціцца па вуліцы Панамарэнкі, сышла на час абеду. Яна зачыніла "абменнік" на ключ. Праз некалькі хвілін прыйшоў невядомы мужчына, які адчыніў дзверы, зайшоў у памяшканне і забраў грошы. Як інфармуе прэс-служба сталічнай міліцыі, было скрадзена каля 10 тысяч долараў, больш тысячы еўра, звыш 13 тысяч расійскіх рублёў і 50 мільёнаў беларускіх рублёў.
Распачатая крымінальная справа, ідуць пошукі зламысніка. Банк абяцае грашовае ўзнагароджанне за інфармацыю, якая дапаможа знайсці злодзея.
Відэа — guvd.gov.by