"Выпіць спірту". Двое мужчын і жанчына насмерць атруціліся ў Магілёве
Фота: samogonman.com
Двое мужчын і жанчына 7 кастрычніка памерлі ў шпіталі ў Магілёве ў выніку атручвання невядомай вадкасцю. У бальніцу яны былі дастаўленыя ў розны час 4 і 5 кастрычніка.
Жанчына, якая пэўны час была ў прытомнасці, расказала дактарам, што знаёмыя прапанавалі ёй "выпіць спірту". Яна пагадзілася. Неўзабаве магіляўчанцы зрабілася дрэнна, і яна звярнулася па медыцынскую дапамогу.
Папярэдні дыягназ, пастаўлены загінулым, — атручэнне невядомым рэчывам, паведамляе Следчы камітэт у сваім афіцыйным телеграм-канале.
Следчымі выясвятляюцца ўсе абставіны здарэння, прызначаныя судова-медыцынскія экспертызы для высвятлення дакладнай прычыны смерці грамадзян.
Распачатая крымінальная справа па частцы 2 артыкула 144 Крымінальнага кодэкса Беларусі ("Прычыненне смерці па неасцярожнасці дзвюм і больш асобам").