Ворсін: На старшыню федэрацыі хакея вылучацца не буду
Пра гэта цяперашні кіраўнік федэрацыі Яўген Ворсін заявіў падчас прэс-канферэнцыі па выніках чэмпіянату свету па хакеі.
Яўген Ворсін: “Пасля няўдала праведзеных чэмпіянатаў мяне здымалі, потым вярталі. Шмат было і аб’ектыўнага, і суб’ектыўнага. І нарэшце мне гэта надакучыла. Хто будзе абірацца, я называць не буду”.
Таксама Ворсін заявіў, што не будзе рэкамендаваць нікому свайго пераемніка.
Нагадаем, што на сусветных спаборніцтвах, якія завяршыліся ў Мінску 25 траўня, хакейная зборная Беларусі заняла сёмае месца.
Фота — ale.by
