Vilnia.Vola.Volski (фотарэпартаж)
Лявон Вольскі даў грандыёзны канцэрт у Вільні, падчас якога прэзентаваў альбом "Грамадазнаўства" і праспяваў старыя хіты на сучасны манер.
Цемра, на фоне якой белыя і чырвоныя літары дублююць тэксты песень "Грамадазнаўства". Сафіты пульсуюць у такт суровых трэкаў апошняй кружэлкі Лявона Вольскага. Танцпляц забіты "пад завязку": яблыку няма дзе ўпасці.
Пасля нардычнай і аскетычнай першай часткі мяняюцца музыкі вакол Лявона, і гучаць неўміручыя хіты аднаго з галоўных беларускіх сонграйтэраў. Ажно 22! Публіка кажа, што яны сталі такімі, нібыта іх напісаў Браян Молка ці Мэт Бэламі.
