Відэа: у Маскве абрынуўся тунэль, які будаваўся на Калужскай шашы

У Маскве абрынуўся тунэль, які будаваўся на Калужскай шашы. Адзін чалавек загінуў, трое атрымалі лёгкія траўмы, яшчэ двое могуць знаходзіцца пад заваламі, інфармуе РІА "Новости". Адзначаецца, што плошча завалаў з канструкцый з вадкага бетону можа скласці 40 квадратных метраў. На месцы працуюць ратавальнікі, тэхніка, прыцягнутыя кінолагі з сабакамі.

Мяркуецца, што абвал мог адбыцца з-за парушэння правілаў правядзення будаўнічых працаў.