Вы тут

Віцебскія следчыя высвятляюць акалічнасці смерці нованароджанага дзіцяці

Фота: sk.gov.by

Віцебскі гарадскі аддзел Следчага камітэта расследуе крымінальную справу па факце смерці нованароджанага дзіцяці ў абласным цэнтры.

Здарэнне адбылося ўвечары 17 лютага. Як паведамляла Еўрарадыё, 30-гадовая жанчына нарадзіла дома дзяўчынку. Лекары загадзя папярэдзілі жанчыну пра небяспеку хатніх родаў, але яна адмовілася ад шпіталізацыі ў радзільню. Падчас родаў дзяўчынка наглыталася каляплодных водаў. Па просьбе жанчыны яе маці, якая была ў гэты час дома і не прымала ўдзелу ў родах, выклікала хуткую меддапамогу.

Лекары, якія прыбылі па выкліку, спрабавалі рэанімаваць нованароджаную дзяўчынку, але выратаваць яе не ўдалося. 

Следчыя правялі неадкладныя следчыя і працэсуальныя дзеянні, у тым ліку агледзелі кватэру, дзе праходзілі роды. Па справе прызначаныя судова-медыцынская экспертыза, накіравалі дакументы ва ўпраўленне аховы здароўя Віцебскага аблвыканкама, каб там правялі службовае расследаванне па факце выканання медработнікамі сваіх службовых абавязкаў.

Новости других медиа
Загрузка...
Загрузка...

Галоўнае

Мікола Сівіцкі прыцягнуў вялікую ўвагу да сваёй персоны.
На здымку бачны кот Леапольд разам са сваім гаспадаром Змітром Дашкевічам і сябрам сям'і Эдуардам Пальчысам. Фота: Facebook

Выбар рэдакцыі