Валютныя ўклады беларусаў выраслі да 7 млрд долараў
У верасні фізічныя асобы павялічвалі валютныя дэпазіты, а юрыдычныя — рублёвыя.
Пра гэта сведчаць статыстычныя дадзеныя Нацбанка. Валютныя дэпазіты фізічных асобаў за месяц выраслі на 2,4% — да 7 млрд 100 млн долараў, юрыдычных асобаў — на 0,3% — да 3 млрд 840 млн долараў.
Што да ўкладаў насельніцтва ў беларускіх рублях, то яны за верасень знізіліся на 1,6% і склалі 33,6 трлн рублёў. Дэпазіты юрасобаў у нацыянальнай валюце павялічыліся на 3,1% — да 29,46 трлн рублёў.
БЕЛТА канстатуе, што ў верасні адбыўся адток часткі рублёвых укладаў насельніцтва на карысць валютных.