Ва Украіне выплацілі першыя 10 тысяч долараў за злоўленага дыверсанта
Такія "прэміяльныя" паабяцаў губернатар Днепрапятроўскай вобласці, мільярдэр Ігар Каламойскі.
Як паведамляе espreso.tv, ужо адбылася выплата ўзнагароджання за першага злоўленага "зялёнага чалавечка". Каламойскі паведаміў у сацсетках, што зрабіў першы перавод 10 тысяч долараў у грыўнях, але дэталі не разгалошвае. Паводле яго словаў, падрабязнасці агучаць праваахоўныя органы. Каламойскі толькі просіць "лавіць дыверсантаў, а не "маскалёў" г. зн. не ўсіх запар расійскіх людзей".
Раней таксама прапаноўваліся "прэміяльныя" ў памеры 1 тысяча долараў за кожны здадзены аўтамат. Але інфармацыі пра тое, што хтосьці развітаўся са зброяй за грошы, няма.
Фота — Fotolia