Ва Украіне разбіўся самалёт з беларускай кантрабандай
Самалёт АН-2 сёння зранку разбіўся ў Валынскай вобласці. Ён не дацягнуў кіламетр да аэрадрома мясцовага калгаса.
Вядома, што праваахоўнікі ўжо ідэнтыфікавалі целы двух загінулых — гэта жыхар Валыні і адэсіт. Самалёт накіроўваўся з Беларусі без ліцэнзіі на палёт.
Відавочцаў аварыі дагэтуль не знайшлі. На месцы здарэння відаць, што самалёт пачаў прызямляцца на поле і трапіў шасі ў дрэнажную канаву. Пасля гэтага ён раскалоўся напалам.
Верагодна, самалёт перавозіў кантрабанду, паведамляе тэлеканал ТСН. Каля месца трагедыі быў заўважаны грузавік, у які грузілі мяхі з цыгарэтамі беларускай вытворчасці.
Фота — prosport-ru.tsn.ua