Узялі ў зубы гэты білет і заткніцеся! Як мінскіх гімназістаў заганяюць у БРСМ

Фота: brsm.by
Фота: brsm.by

У распараджэнне радыё "Свабода" трапіла відэа, знятае вучнем адной з мінскіх гімназій падчас класнай гадзіны. Ад гімназістаў патрабуюць уступіць у Беларускі рэспубліканскі саюз моладзі — дзяржаўную арганізацыю, якая лічыць сябе пераемніцай ленінскага камсамола. Двое супрацоўніц гімназіі то пагражаюць, то ўпрошваюць. Бо мэта — добрая статыстыка на фоне іншых навучальных устаноў, "проста тупа зрабіць гэтую лічбу".

Гэта відэа трэба паглядзець з гукам:

Дзеці адмаўляюцца, як могуць: маўляў, я не хачу ўступаць у БРСМ, мне бацькі сказалі не ўступаць. У супрацоўніц гімназіі (па словах адной з іх, другая — намесніца дырэктара па выхаваўчай рабоце) знаходзяцца ўсё новыя аргументы.

— Все вступают, а 99% у нас только из-за тебя...
— Это
[не ўступіць у БРСМ. — Еўрарадыё] только возможно, если ты исключаешься из класса, понимаешь?
— Если сказала родина, то комсомол ответил: "Есть!". Мы должны это сделать.
— Либо вы граждане Республики Беларусь, либо вы свой патриотический долг должны выполнять или нет?
— Антисоветчина какая-то, антибеларушчына какая-то. Вы не поддерживаете политику президента нашего, стало быть?
— Да скажут: что ж за воспитательная работа в N-й 
[нумар навучальнай установы схаваны па просьбе гімназістаў. — Еўрарадыё] гимназии? Поставить они могут, просто тупо сделать эту цифру.
— Хотите вы — не хотите, забрали этот билет, взяли в зубы, положили дома на полочку и сидите, заткнитесь! Всё!
— Пойдите лучше в другие учебные заведения и попробуйте без членского билета там посидеть.
— Я посмотрю, в какие вы училища поступите без билета. А в этом году всё серьёзно было. И в следующем, когда вы будете поступать, ещё похлеще будет.

Супрацоўніцы гімназіі прызнаюцца, што "цяпер за кожныя паўпрацэнта змагаецца кожная школа, кожная ўстанова, кожная гімназія". Яны нават гатовыя плаціць за вучняў унёскі: "Нам вашыя фатаграфіі ўжо тупа трэба! Сфатаграфаваліся, я аддам вам гэтыя білеты і ўсё. І жывіце далей як хочаце".

Таксама яны сцвярджаюць, што ў тых, хто адмовіцца ўступаць у БРСМ, могуць узнікнуць праблемы з паступленнем у ВНУ. Маўляў, пры роўных балах возьмуць сябра арганізацыі — "чалавека, які сфарміраваны патрыятычна".

Згодна з уставам ГА "БРСМ", у грамадскае аб'яднанне прымаюць з 14 гадоў. Пры гэтым у пункце 4.1 ёсць такі абзац: "Асобы, якiя ўступаюць у ГА "БРСМ" ва ўзросце ад 14 да 16 гадоў, павінны мець пісьмовы дазвол сваіх законных прадстаўнікоў".

У канцы верасня "Наша Ніва" пацікавілася ў кіраўніка БРСМ Дзмітрыя Варанюка, ці праўда, што ў арганізацыю запісваюць аўтаматам і пад пагрозай якіх-небудзь санкцый.

Взяли в зубы этот билет и заткнитесь! Как минских гимназистов загоняют в БРСМ

— Абсалютна нязгодны! Такое мо і было некалі. А цяпер я прашу, заклікаю: калі ёсць такія факты — паведамляйце нам. Мы сёння проста расказваем аб арганізацыі, а не заганяем, — адказаў Варанюк. — Можа, нейкі педагог-арганізатар выступае і кажа: маўляў, вось вы паступіце, і вам інтэрнат тады дадуць… Не БРСМ дае, а актыўная работа! Актыўная праца ў жыцці ўнівера можа прынесці плён у выглядзе прыярытэтнага выдзялення інтэрната. Калі ты ўступаеш у БРСМ, то гэта перадусім кам’юніці: ты актыўны, табе неабыякава. Таму аўтаматычнае масавае ўключэнне ў арганізацыю — гэта выключана, такога не павінна быць, я катэгарычна супраць. Бо якая тады будзе якасць кадраў?

Апошнія навіны

Галоўнае

Выбар рэдакцыі