Уначы ў Мінску гарэў аўтамабіль "Пежо" (фота, відэа)

Уначы ў Мінску гарэў аўтамабіль "Пежо 307". Здарэнне адбылося па вуліцы Гарэцкага. Як інфармуе прэс-служба МНС, агнём легкавік быў сур'ёзна пашкоджаны. Пашкоджанні атрымалі яшчэ дзве машыны, прыпаркаваныя побач — "Фольксваген Гольф" і "Фіят Пунта". Мяркуецца, што прычынай узгарання стала кароткае замыканне электраправодкі ў маторным адсеку "Пежо".