Уначы 4 лютага ў Беларусі могуць не працаваць банкаўскія карткі
Уначы 4 лютага ў Беларусі могуць не працаваць банкаўскія карткі. З 2.00 да 6.00 Банкаўскім працэсінгавым цэнтрам будуць праводзіцца тэхналагічныя працы.
На сайце npc.by адзначаецца, што ў згаданы перыяд могуць быць перапынкі ў абслугоўванні трымальнікаў картак банкаў, якія карыстаюцца паслугамі Банкаўскага працэсінгавага цэнтра (гэта Беларусбанк, БПС-Ашчадбанк, Аграпрамбанк, Белінвестбанк, Белгазпрамбанк, Прыёрбанк ды іншыя). Перапынкі ў абслугоўванні ўладальнікаў картак магчымыя ў крамах, аб'ектах сэрвісу, пунктах выдачы наяўных грошай, самаабслугоўвання і банкаматах.
