У Жалудку прайшоў фестываль кветак (фота)
У Жалудку на Гродзеншчыне ў нядзелю прайшоў фестываль кветак. Падтрымка Еўрасаюза і Праграмы развіцця ААН дазволіла правесці невялікае свята з размахам.
Фестываль “Кветкавыя фантазіі” жалудоцкія ўлады прыдумалі два гады таму. Сёлета яны атрымалі дапамогу сумеснага праекта ЕС і ПРААН “Устойлівае развіццё на мясцовым узроўні”. Гэтая акалічнасць прывяла ў Жалудок шмат журналістаў і вядомых гасцей.
Кіраўніца міжнароднага адукацыйнанага цэнтра імя Ёханеса Раў Астрыд Зам вітае ўдзельнікаў фестываля (на фота). Каля яе стаяць супрацоўнікі Міністэрства прыродных рэсурсаў, пасялковага выканкама, грамадскага аб’яднання “Адпачынак у вёсцы”.
Арганізатары і донары зрабілі стаўку на тое, што такое простае, на першы погляд, мерапрыемства зробіць жыццё людзей больш цікавым і інтэгруе мясцовую супольнасць. Жыхары і прадпрыемствы Жалудка ўпарадкавалі свае падворкі і адмыслова да конкурса зрабілі кветкавыя кампазіцыі.
З народнымі песнямі і гармонікам комплекс свінагадоўлі дэманструе сваю кветкавую кампазіцыю і касцюм.
На кветкавым дыване шпіталя красуецца патрыятыны надпіс “Люблю цябе, Жалудок!”
Дзяўчаты ў конкурсных касцюмах. Юная ўдзельніца на апошнім фота яшчэ ходзіць у школу:
"Далей я хачу вучыцца ва універсітэце, — кажа яна. — Не ведаю, ці вярнуся пасля гэтага ў Жалудок. З працай тут цяжкавата".
