У Віцебску будуць прадаваць партрэт мужчыны, падобнага на Пуціна (фота)
Жыхары і госці фестывальнага Віцебска са здзіўленнем спыняюцца перад адной з карцін на вулічным вернісажы, прымеркаваным да "Славянскага базару".
На ёй намаляваны мужчына ў вопратцы эпохі ранняга адраджэння, падобны на прэзідэнта Расіі Уладзіміра Пуціна.
"Народныя навіны Віцебска" адзначаюць, што насамрэч гэта копія карціны "Партрэт пары Арнальфіні", створанай нідэрландскім жывапісцам Янам ван Эйкам у 1434 годзе. Сучасны мастак толькі крыху павялічыў падабенства мужчыны, намаляванага ў XV стагоддзі, з расійскім прэзідэнтам.
Фота — news.vitebsk.cc
