У Веткаўскім раёне згубіліся і загінулі дзве дзяўчынкі
4-гадовая Дар'я і 6-гадовая Каця зніклі напярэдадні днём.
Яны знаходзіліся на адпачынку ў лесе разам з прыёмнымі бацькамі. Бацькі былі ў намёце, а дзяўчынкі сышлі ў лес з двума сабакамі. Потым сабакі вярнуліся, але без дзяцей.
Як паведамляе партал tut.by, цела адной са зніклых дзяўчынак раніцай 30 ліпеня знайшлі на беразе Сожа ў Гомельскім раёне. Мяркуюць, што яна патанула. Цела дзяўчынкі вынесла на касу, дзе яго знайшоў мясцовы рыбак.
БЕЛТА інфармуе, што ўжо знойдзеныя целы абодвух загінулых дзяўчынак.
Фота — bymedia.net
