У Ветцы звальняюць дырэктара музея стараверства і беларускіх традыцый
Петр Цалко / smartpress.by
З дырэктарам Веткаўскага музея стараверства і беларускіх традыцый імя Ф.Р. Шклярава Пятром Цалко не прадаўжаюць кантракт. Пра гэта піша "Наша Ніва". Прычына звальнення не вядомая.
Выданне нагадвае, што ў тым ліку дзякуючы Пятру Цалко Веткаўскі музей стаў адным з найбольш яркіх рэгіянальных музеяў. Там праводзілася велізарная колькасць відэалекцый, экскурсій, майстар-класаў, відэа-гутарак. Акрамя таго, менавіта ў Гомельскім філіяле Веткаўскага музея, калі яго загадчыкам быў Пётр Цалко, з'явілася "Школа бытавога танца". Тут праводзілі "Гуканне вясны", "Ноч музеяў", "Летнік па ткацтве" і велізарную колькасць іншых мерапрыемстваў.
Цалко — за трыццаць. Па адукацыі ён настаўнік беларускай мовы. Паспеў папрацаваць у гімназіі. У музеі сам ездзіў у экспедыцыі, запісваў песні, аповяды, як праводзіліся абрады, збіраў экспанаты.
