У Ветцы каля газаправода адкапалі 500-кілаграмовую бомбу (фота)

У Ветцы на Гомельшчыне каля газаправода адкапалі 500-кілаграмовую нямецкую авіябомбу (SD-500) часоў Другой сусветнай вайны. Адбылося гэта ўдзень 4 красавіка падчас земляных працаў.

Бомба знаходзілася на глыбіні 1,5 метра. На месца прыехалі сапёры. Ліквідаваць боепрыпас на месцы было немагчыма, паколькі быў бы пашкоджаны газаправод. Для таго, каб дастаць з ямы  авіябомбу, выкарысталі аўтакран. На спецтранспарце яе адвезлі на пляцоўку ў зоне адчуджэння ў Веткаўскім раёне і знішчылі.

БЕЛТА адзначае, што гук ад моцнага выбуху быў чутны ў радыусе 20 км ад месца знішчэння боепрыпаса.