У Тураве 16-гадовая дзяўчына ўпала з капота "Жыгулёў" і трапіла ў рэанімацыю
У Тураве 16-гадовая дзяўчына каталася на капоце "Жыгулёў" і трапіла ў рэанімацыю. Здаржнне адбылося каля 1:20 уночы на 27 ліпеня.
"Хлопец на ВАЗ-21063 перавозіў на капоце сваю 16-гадовую сяброўку. Пры павароце дзяўчына не ўтрымалася і ўпала на праезную частку", — распавялі TUT.by у ДАІ Гомельскай вобласці.
Дзяўчына атрымала цяжкія траўмы і была дастаўленая ў рэанімацыю.
Пазней высветлілася, што "Жыгулі" належаць бацьку хлопца. А іх маладога кіроўцу ДАІ затрымлівала ў 2015 годзе за язду без правоў.