У Слуцку расследуюць жорсткае забойства 2-гадовай дзяўчынкі
У Слуцку расследуюць жорсткае забойства 2-гадовай дзяўчынкі. 29 студзеня яе знайшлі ў адным з дамоў у цяжкім стане са слядамі збіцця. Нягледзячы на рэанімацыйныя мерапрыемствы, дзіця памерла. Медыкі праінфармавалі пра здарэнне праваахоўнікаў.
Афіцыйная прадстаўніца УСК па Мінскай вобласці Таццяна Беланог паведамляе, што па падазрэнні ў забойстве заведама малалетняй, здзейсненым з асаблівай жорсткасцю, групай асобаў былі затрыманыя 26-гадовая маці дзяўчынкі разам з сужыцелем. Праводзіцца расследаванне, ідуць допыты сваякоў, суседзяў, прызначаныя экспертызы. Дарэчы, у сям’і выхоўваюцца яшчэ чацвёра малых дзяцей. Ім аказваюць медыцынскую і псіхалагічную дапамогу, падключаныя спецыялісты-псіхолагі і педагогі.
Праваахоўнікі збіраюцца даць прававую ацэнку бяздзеянню службовых асобаў сацыяльных органаў, якія здзяйсняюць кантроль за ўмовамі, у якіх жылі дзеці ў сям’і.
