У першы дзень жніўня ў Беларусі будзе да +28
Лета ў Беларусі / Еўрарадыё
У аўторак, 1 жніўня, у Беларусі чакаецца пераменная воблачнасць, паведамляе Белгідрамет.
Месцамі, а ўдзень на большай частцы тэрыторыі Гродзенскай і Віцебскай абласцей пройдуць кароткачасовыя дажджы. У асобных раёнах прагрымяць навальніцы. Уначы і зранку месцамі па краіне будзе згушчацца туман. Вецер прагназуецца паўднёвы, паўднёва-заходні. Уначы ён будзе слабы, удзень — умераны, пры навальніцах —парывісты. Па захадзе краіны пры навальніцах удзень чакаюцца моцныя парывы ветру.
Тэрмометры ўначы пакажуць 12-17 вышэй за нуль, удзень паветра прагрэецца да +22...+28.
