У Мінску памёр высокапастаўлены афіцэр міліцыі, які займаўся ідэалогіяй
Аляксей Бярозавік (у цэнтры), 2023 год / minobl.mvd.gov.by
У Мінску ў 51 год памёр высокапастаўлены афіцэр міліцыі, паведамляюць праваабаронцы. Гэта падпалкоўнік Аляксей Бярозавік, які быў памочнікам намесніка начальніка Мінскага абласнога УУС па арганізацыйна-штатнай рабоце. Пра прычыну смерці інфармацыі пакуль няма.
Вядома, што Бярозавік шмат гадоў прапрацаваў у аддзеле ідэалагічнай працы і кадраў.
Сёлета ў Оршы на працоўным месцы памёр 48-гадовы начальнік мясцовай міліцыі палкоўнік Сяргей Барвянкоў. Пасля гэтага сілавікі затрымлівалі тых, хто "няправільна" каментаваў навіну пра яго смерць.
