У Мінску дзяўчына забрала пакеты з мужчынскай вопраткай на 2500 долараў
Міліцыянты Цэнтральнага РУУС Мінска шукаюць дзяўчыну, якая забрала пакет наведвальніка крамы з мужчынскімі брэндавымі рэчамі. Агульная сума рэчаў складае каля 4900 рублёў (каля 2500 долараў).
У міліцыю звярнуўся мужчына, які распавёў, як застаўся без купленых рэчаў. Ён кажа, што ў краме на плошчы Свабоды купіў рэчы на агульную суму 4896 рублёў. Калі яму затэлефанавалі на мабільнік, мужчына пакінуў пакеты каля паркавальнага тэрмінала.
Забыўшыся пра пакеты, пасля тэлефанавання ён сеў у аўто і паехаў. Пазней мужчына прыгадаў пра пакінутыя рэчы і вярнуўся па іх, аднак пакетаў каля тэрмінала ўжо не было.
Падчас прагляду запісаў з камер відэаназірання праваахоўнікі выявілі, што пакеты з брэндавымі рэчамі забрала дзяўчына.
Міліцыя просіць тых, хто нешта ведае пра дзяўчыну на фота, паведаміць у Цэнтральнае РУУС Мінска асабіста альбо па тэлефонах: 8-029-178-10-92 (Андрэй Леанідавіч), 288-02-02 (дзяжурная частка) або 102.